मुंबई : भारतीय जनता पक्षाच्या केंद्रीय निवडणूक समितीने महाराष्ट्रात आगामी काळात होणार्‍या विधान परिषद निवडणूक २०२६ साठी पदवीधर आणि शिक्षक मतदारसंघांतील अधिकृत उमेदवारांची घोषणा केली आहे. पक्षाच्या केंद्रीय कार्यालयाकडून ४ ऑक्टोबर २०२६ रोजी जारी करण्यात आलेल्या प्रसिद्धीपत्रकानुसार, समितीने तीन महत्त्वाच्या मतदारसंघांतील उमेदवारांच्या नावांवर शिक्कामोर्तब केले आहे.
जाहीर करण्यात आलेल्या उमेदवारांची यादी
भाजपने जाहीर केलेल्या अधिकृत यादीनुसार उमेदवारांची नावे खालीलप्रमाणे आहेत:
पुणे विभाग पदवीधर : या मतदारसंघातून भाजपने डॉ. स्मिता योगेश जाधव यांना उमेदवारी दिली आहे.
नागपूर विभाग पदवीधर : नागपूर पदवीधर जागेसाठी सुधाकर विठ्ठलराव कोहळे यांच्या नावावर पक्षाने मोहर उमटवली आहे.
पुणे विभाग शिक्षक : पुणे शिक्षक मतदारसंघातून कौस्तुभ मुरलीधर गावडे यांना निवडणुकीच्या रिंगणात उतरवण्यात आले आहे.
केंद्रीय कार्यालयाकडून अधिकृत प्रसिद्धीपत्रक जारी
भाजपच्या केंद्रीय कार्यालयातून (६ए, दीनदयाळ उपाध्याय मार्ग, नवी दिल्ली) जारी करण्यात आलेल्या या पत्रावर पक्षाचे राष्ट्रीय मुख्यालय प्रभारी तथा राज्यसभा खासदार तरुण चुघ यांची स्वाक्षरी आहे. या तीनही उमेदवारांची नावे जाहीर झाल्यामुळे महाराष्ट्रातील पदवीधर आणि शिक्षक मतदारसंघांच्या निवडणुकीत राजकीय घडामोडींना वेग आला आहे.
